Sumqayıt Dövlət Universitetinin (SDU) bir qrup tələbə və müəllimi Hərbi Qənimətlər Parkında olub. Sumqayıt24 bu haqda 6 noyabr tarixində xəbər verir.
Tədbir Zəfər Gününə həsr edilib. Ziyarət zamanı tələbələr Vətən müharibəsi dövründə hərbi qənimət kimi ələ keçirilmiş texnika, döyüş sursatı və digər eksponatlara baxış keçiriblər.
SDU-nun baş müəllimi polkovnik-leytenant Tapdıq Hacıyevin bələdçiliyi ilə tələbələrimiz parkdakı döyüş sursatları haqqında daha ətraflı məlumat əldə ediblər.
Qeyd edək ki, Hərbi Qənimətlər Parkında ümumilikdə 300-dən çox eksponat, o cümlədən 150-dək ağır texnika, tanklar, döyüş maşınları, artilleriya qurğuları, zenit-raket kompleksləri, atıcı silahlar və digər hərbi nəqliyyat növləri sərgilənir.
