Milli Məclisdə “Qərbi Azərbaycan toponimləri: tarixin təhrif olunmasından ədalətin bərpa edilməsinədək” mövzusunda ictimai dinləmə keçirilib. Sumqayıt24 bu haqda 1 noyabr tarixində xəbər verir.
Regional məsələlər komitəsinin təşkil etdiyi iclasa parlamentin deputatları, Prezident Administrasiyasının, AMEA-nın, Ədliyyə Nazirliyinin nümayəndələri, Milli Məclis yanında Toponimiya Komissiyasının, Qərbi Azərbaycan İcmasının üzvləri, hüquqşünas alim və tədqiqatçılar, həmçinin bələdiyyələrin, vətəndaş cəmiyyətinin təmsilçiləri və ekspertlər qatılıblar.
İctimai dinləmədə Sumqayıt Dövlət Universitetinin Fizika və elektroenergetika fakültəsinin 4-cü kurs tələbəsi Musa Xəlilov da dəvət əsasında iştirak edib. O, universitetdə "Qərbi Azərbaycan irsinin tanıdılmasında ulu öndər Heydər Əliyevin rolu" mövzulu konfransda müzakirələr zamanı Qərbi Azərbaycan toponimləri ilə bağlı suallar ünvanlamışdı.
