Sumqayıt Dövlət Universiteti (SDU) və Brandenburq Texniki Universiteti (BTU) (Almaniya FR) arasında memorandum imzalanıb. Sumqayıt24 bu haqda 19 iyul tarixində xəbər verir.
SDU-nun nümayəndə heyəti müxtəlif vaxtlarda BTU-da ezamiyyətdə olub və onların əməkdaşları ilə mütəmadi olaraq onlayn görüşlər keçirib. Səfər çərçivəsində əməkdaşlarımız ikili təhsil, ikili diplom və müxtəlif proqramlar, eyni zamanda universitetin elmi-tədqiqat, istehsalat laboratoriyaları ilə yaxından tanış olublar.
14 iyul tarixində isə tərəflər arasında əməkdaşlığın inkişafını dəstəkləmək üçün Anlaşma memorandumu bağlanıb. Müəssisələr arasında birbaşa əlaqələri təşviq etmək üçün informasiya, birgə tədqiqat, tədris və təhsil proqramının inkişafı, müəllim və tələbə mobilliyi sahəsində əməkdaşlıq həyata keçiriləcək.
