Türkiyə vətəndaşı Serkan Karakaşın vəziyyəti ağırlaşıb. Sumqayıt24 bu haqda 1 noyabr tarixində News24.az-a istinadən xəbər verir.
Sumqayıtda evə silahlı hücum zamanı ağır yaralanan Karakaş müalicə aldığı “Baku Medical Plaza”da komaya düşüb. Həkimlərin səylərinə baxmayaraq, onun əksər orqanları fəaliyyətini dayandırıb.
Həkimlər vəziyyətin kritik olduğunu bildirirlər.
Xatırladaq ki, hadisə oktyabrın 28-də Corat bağlarında baş verib. Naməlum şəxs Zəngilan rayon sakini Dağbəyi Fərəcovun evinə basqın edib. Silahlı ev sahibi və onun qızı Suzana Karakaşı qətlə yetirib, Serkan Karakaş, evin xanımı Tərlan Fərəcova və iki qonşunu yaralayıb.
Cinayəti törətməkdə şübhəli bilinən 36 yaşlı Müşviq Tağıyev saxlanılıb. Onun barəsində həbs qətimkan tədbiri seçilib.
Faktla bağlı Sumqayıt şəhər prokurorluğunda cinayət işi açılıb.
