Milli Məclisin Regional məsələlər komitəsinin sədri Sumqayıtın sərhədinin müəyyənləşdirilməsinə aydınlıq gətirib. Sumqayıt24 bu haqda 17 oktyabr tarixində xəbər verir.
Siyavuş Novruzov parlamentin iclasında “Bakı şəhəri Binəqədi rayonunun, Sumqayıt şəhərinin və Abşeron rayonunun sərhədlərinin müəyyənləşdirilməsi haqqında” qanun layihəsi barədə danışıb.
O bildirib ki, on minlərlə insan bu gün Sumqayıtda ən yüksək əməkhaqqı ilə daimi işlə təmin olunub:
“Təqdim olunan qanun layihəsindəki ərazilər 1965-ci ilə qədər Sumqayıt sakinlərinin yaşadığı ərazilərdir. Bu gün həmin ərazidə 9000 ailə yaşayır. Onların təminatı Sumqayıt şəhərinin üzərindədir, amma xəritədə digər rayonlara düşür. Ona görə də Prezident bu xəritənin dəqiqləşdirilməsi üçün təşəbbüs göstərib. O insanlar Sumqayıt şəhərində səs verirlər. Bu bir xəritə düzəlişidir”.
