Mehdi Hüseynzadə adına Sumqayıt şəhər stadionunda problem aşkarlanıb. Sumqayıt24 bu haqda 4 noyabr tarixində Sumqayit.tv-yə istinadən xəbər verir.
Arenanı tikən şirkət qeyri-adi addım atıb. Stadionun bir tərəfi göy alkaponla örtülüb, dənizə baxan hissəsi isə açıq saxlanılıb. Həmçinin alkaponun üzərinə də "tent" əvəzinə "jeş" vurulub. Bu isə havalandırmanı əlverişsiz edir və ot örtüyünə birbaşa mənfi təsir göstərir.
Bu cür havalandırma ilə təbii qazonu yaxşı səviyyədə saxlamaq çox çətindir. Arenaya baş çəkən mütəxəssislər bunu təsdiqləyiblər.
