Sumqayıtda “İstedad” liseyinin nəzdində STEAM və “İnnovasiyalar” mərkəzinin açılışı olub. Bu haqda 21 sentyabr tarixində Sumqayıt24 rəqəmsal inkişaf və nəqliyyat naziri Rəşad Nəbiyevin Facebook hesabına istinadən məlumat verir.
Açılış mərasimində elm və təhsil naziri Emin Əmrullayev, rəqəmsal inkişaf və nəqliyyat naziri Rəşad Nəbiyev, eləcə də icra başçısı Zakir Fərəcov iştirak ediblər.
Tədbir zamanı liseyin müəllim və şagirdləri ilə görüş təşkil olunub. Təhsil naziri Emin Əmrullayev İKT, o cümlədən kibertəhlükəsizliklə bağlı bilikləri artırmağın yolları haqqında danışıb.
