Sumqayıt Texnologiyalar Parkı (STP) Şirkətlər Qrupunun baş icraçı direktoru Hicran Valehovla Bakı Mühəndislik Universitetinin (BMU) rektoru Yaqub Piriyev görüşüblər. Sumqayıt24 bu haqda 15 noyabr tarixində xəbər verir.
Çıxışlarda universitet-sənaye əməkdaşlığının önəminə diqqət çəkilib, birgə fəaliyyətin vacibliyindən danışılıb. BMU ilə Koreya Respublikasının (Cənubi) İNHA Universiteti arasında mühəndislik ixtisasları üzrə icra olunan ikili diplom proqramından, layihə üzrə təhsilini başa vuracaq tələbələrin, həmçinin BMU-da müvafiq ixtisaslar üzrə məzunların STP-də işlə təminatı məsələlərindən söz açılıb.
Görüşdə STP-də təcrübə keçən BMU tələbələrinin sayının artırılması, mühəndislik sahəsində peşəkar kadrların hazırlanmasında birgə işin aparılması, həmçinin elmi-tədqiqat sahəsində əməkdaşlıq məsələləri ətraflı müzakirə edilib.
Sonra “Sənaye-universitet işbirliyi” mövzusunda təqdimatlarla çıxış edən BMU-nun Kimya mühəndisliyi kafedrasının müdiri Yusif Abdullayev və Sənaye mühəndisliyi kafedrasının müdiri Pərviz Həsənov konkret layihə və təklifləri nəzərə çatdırıblar.
Görüşün sonunda qonaqlar BMU-nun labaroratoriyaları və Texnoparkı ilə yaxından tanış olublar.
