Sumqayıtda Dövlət İmtahan Mərkəzi (DİM) 19 dekabr tarixində sınaq imtahanı keçirəcək. Bu barədə bu gün, 29 noyabr tarixində DİM məlumat yayıb.
Sınaq imtahanı 3 saat davam edəcək. III ixtisas qrupunda DT və ya TC altqrupu üzrə imtahan 2 hissədən ibarət olacaq. Dekabrın 19-da Azərbaycan (rus) dili, tarix və ədəbiyyat fənləri üzrə, dekabrın 26-da isə əlavə olaraq coğrafiya fənnindən imtahan keçiriləcək. Coğrafiya fənni üzrə isə imtahan 1 saat davam edəcək.
Sınaq imtahanına qeydiyyat 9 dekabr saat 23:59-dək davam edəcək. İmtahanda iştirak haqqı 40 manat təşkil edir. III qrup üzrə DT və TC altqrupları coğrafiya fənni üçün 15 manat ödəməlidirlər.
Sınaq imtahanında iştirak üçün ekabinet.dim.gov.az-da “Şəxsi kabinet” yaradılmalıdır.
İmtahan binalarına buraxılış yalnız abituriyentin şəxsiyyət vəsiqəsinin əsli, "İmtahana buraxılış vərəqəsi" və “İmtahan iştirakçısının sağlamlığı haqqında” bəyannamə əsasında həyata keçirilir. Sənədlərdən biri olmadıqda abituriyent imtahana buraxılmayacaq.
