Sumqayıt Kimya Sənaye Parkı indiyə qədər 8,7 milyard manatlıq məhsul satıb. Sumqayıt24 bu haqda 12 avqust tarixində İqtisadi Zonaların İnkişafı Agentliyinə (İZİA) istinadən xəbər verir.
Bunun 3,1 milyard manatlıq hissəsi 60-a yaxın ölkəyə, o cümlədən Türkiyə, Gürcüstan, Rusiya, Qazaxıstan, Özbəkistan, Türkmənistan, Tacikistan, Qırğızıstan, Çin, Yaponiya, Tayvan, Ukrayna, Belarus, Bolqarıstan, İtaliya, Avstriya, Rumıniya, Polşa, Makedoniya, Niderland, Danimarka, Finlandiya, Litva, Estoniya, Misir, BƏƏ, Livan, İraq, Braziliya, Kanada və ABŞ-yə ixrac olunub.
Parkda investisiyalarının ümumi məbləği 5,7 milyard manatdan artıq olan 37 sahibkarlıq subyektinə rezidentlik statusu verilib. Bu rezidentlərdən 20-si fəaliyyətdədir. Bu il daha 4 müəssisənin fəaliyyətə başlaması planlaşdırılır.
Rezidentlər 5,3 milyard manatdan çox sərmayə yatırıb, 6400-dən artıq daimi iş yeri yaradıb. Bundan əlavə, daha 386 milyon manat investisiya yatırılması, 2000-dən çox daimi iş yerinin yaradılması nəzərdə tutulur.
Bu ilin ilk yarısında parkda 1,3 milyard manatlıq məhsul istehsal edilib, bunun 446 milyon manatlıq hissəsi ixrac edilib. 6 ay ərzində parkın qeyri-neft sənayesində xüsusi çəkisi 15,2%, qeyri-neft sənayesi ixracında isə payı 19,6% olub.
