Sumqayıt Kimya Sənaye Parkı ümumilikdə 3,3 milyard manatlıq məhsul ixrac edib. Sumqayıt24 bu haqda 21 dekabr tarixində xəbər verir.
Nazir Mikayıl Cabbarovun sözlərinə görə, Prezident İlham Əliyevin Sərəncamı ilə təsis edilmiş, ölkəmizin ilk sənaye parkı olan Sumqayıt Kimya Sənaye Parkının yaradılmasından bu gün 12 il keçir.
Bu müddətdə əldə edilən nəticələr iqtisadiyyatımızın diversifikasiyasına, qeyri-neft sektorunun inkişafına, məşğulluğun artırılmasına, innovativ istehsalın təşkilinə və idxaldan asılılığın azaldılmasına böyük töhfələr verib.
Parka 5,8 milyard manata yaxın investisiya qoyulub. Buradan 9,5 milyard manatlıq satış həyata keçirilib, 6600-dən çox daimi iş yeri yaradılıb.
