Sumqayıt sakini yol qəzasında xəsarət alıb. Bu haqda 29 avqust tarixində Sumqayıt24 Report.az-a istinadən məlumat verir.
Hadisə Yevlaxın Aran qəsəbəsində baş verib. "Hyundai" markalı minik avtomobili ilə kiçiktutumlu yük maşını toqquşub.
Nəticədə yük maşınının sürücüsü, Ağsu rayon sakini, 32 yaşlı Ramal Hüseynov və "Hyundai" markalı avtomobildə sərnişin qismində olan Sumqayıt şəhər sakini, 66 yaşlı Kəfayə Bənnayeva xəsarət alıblar. Yaralılar xəstəxanaya çatdırılıblar.
Faktla bağlı araşdırma aparılır.
