"Sumqayıt Taxıl EM" MMC məhkəməyə verilib. Bu haqda 1 sentyabr tarixində Sumqayıt24 Xeberle.com-a istinadən məlumat verir.
MMC-yə gömrük qaydaları əleyhinə olan inzibati xəta protokolu tərtib edilib. İddia İnzibati Xətalar Məcəlləsinin 485.2-ci maddəsi ilə irəli sürülüb.
Sözügedən maddəyə görə, Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər 1000 manat məbləğində, hüquqi şəxslər 1500 manat məbləğində cərimə edilir.
Hakim Azər Tağıyevin icraatında olan məhkəmə ilə əlaqəli baxış iclası senytabrın 5-i saat 10:15-ə təyin edilib.
