Sumqayıt Tibb Mərkəzinin (STM) fəaliyyətində qanunsuzluq üzə çıxıb. Sumqayıt24 bu haqda 12 avqust tarixində Den.az-a istinadən xəbər verir.
Belə ki, Elnarə Məmmədova adlı şəxs STM-in insan resursları şöbəsinə işə götürülüb, lakin onun ali təhsillə bağlı sənədləri yoxlanılmadan sistemə daxil edilib.
Məlumata görə, E. Məmmədova Gürcüstanın "Teaching University" ali təhsil müssəssiəsinin məzunudur. Onun diplomu Elm və Təhsil Nazirliyi tərəfindən təsdiqlənib. Bununla bağlı nazirin imzası olan şəhadətnamə də təqdim edilib. Ancaq araşdırma zamanı məlum olub ki, nazirliyin müvafiq qurumu belə bir şəhadətnamə təqdim etməyib.
Yəni nazirin imzası və möhür saxtalaşdırılıb. E. Məmmədova işə götürülərkən sistemə saxta sənəd yerləşdirilib. Xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi elektron sistemində də E. Məmmədovanın şəhadətnaməsi yoxdur.
Faktla bağlı araşdırma başlanıldığı və materialların prokurorluğa göndərildiyi bildirilir.
