Azərbaycan Yerüstü Nəqliyyat Agentliyi (AYNA) Sumqayıt-Qusar, Sumqayıt-Xaçmaz və Xudat-Sumqayıt şəhərlərarası müntəzəm avtobus marşrutlarını müsabiqəyə çıxarır. Sumqayıt24 bu haqda 12 oktyabr tarixində xəbər verir.
Sənədlər noyabrın 9-u saat 17:00-dək AYNA-da (ünvan: Bakı şəhəri, Tarzən Hacı Məmmədov küçəsi, 5; əlaqələndirici şəxs: Natiq Vəliyev – əlaqə: (012) 567-99-76, (055) 626-55-63, e-poçt: [email protected]) qəbul ediləcək.
Müsabiqə şərtlərinə əsasən, sağlamlıq imkanları məhdud vətəndaşların avtobuslara rahat minib-düşmələri üçün xüsusi qurğu və avadanlıqla təchiz olunmuş nəqliyyat vasitələrinə üstünlük verilir. Həmçinin əsas avtobuslarla yanaşı, ehtiyat nəqliyyat vasitələri də təqdim olunmalıdır.
İddiaçıların təkliflərinə komissiya tərəfindən Sumqayıt-Qusar istiqamətində 4 lot üzrə noyabrın 17-də, Sumqayıt-Qusar və Xudat-Sumqayıt istiqamətlərində 3 lot üzrə noyabrın 24-də, Sumqayıt-Xaçmaz istiqamətində isə 4 lot üzrə dekabrın 1-də baxılacaq.
Lotlar üzrə marşrutların qrafikləri ilə link vasitəsilə tanış ola bilərsiniz.
