Sumqayıt Dəmiryol Vağzalının qarşısının abadlaşdırılması davam edir.
Azərbaycan Yerüstü Nəqliyyat Agentliyi (AYNA) Sumqayit24.az-a verilən məlumata görə, ərazidə yaradılan nəqliyyat mübadilə mərkəzində sərnişinlərin təhlükəsiz minib-düşməsini təmin etmək məqsədilə dayanacaq pavilyonu quraşdırılıb.
Standartlara uyğun ikidayaqlı dayanacaq pavilyonu ərazi üzrə təhlillər aparılaraq, səki infrastrukturu və vağzalda olan gözləmə zalı nəzərə alınmaqla təşkil edilib.
Beləliklə, səkinin darlığı nəzərə alınıb və Avropada geniş yayılan praktikadan istifadə olunmaqla səkiyə uyğunlaşdırılmaqla dayanacaq pavilyonu quraşdırılıb.
İctimai nəqliyyat istifadəçilərinin sərbəst hərəkətini təmin etmək məqsədilə ərazidə quraşdırılan tərs təktərəfli dayanacaq pavilyonunun ölçüləri 4 m x 2,40 m-dir.
Bu, layihənin ilkin mərhələsidir və nəqliyyat mübadilə mərkəzində dayanacaq pavilyonlarının sayının artırılması nəzərdə tutulur.
