Sumqayıt şəhər 2 nömrəli (ASM) Ailə Sağlamlıq Mərkəzində eyvan çöküb. Sumqayıt24 bu haqda 19 oktyabr tarixində Den.az-a istinadən xəbər verir.
Məlumata görə, xəstəxanaya müayinə üçün gələn vətəndaşlardan biri son anda dağıntı altında qalmaqdan xilas ola bilib.
Vətəndaşların sözlərinə görə, tibb ocağı istismar müddətini başa vursa da, hələ də sakinlərə xidmət göstərməkdədir.
Ailə Sağlamlıq Mərkəzindən bildirilib ki, məsələ ilə bağlı Sumqayıt Tibb Mərkəzinin məlumatı var, lakin tədbir görülmür.
