Sumqayıt Dünya məktəbi “Bir şəhid – bir fidan” adlı aksiya keçirib. Bu haqda 9 noyabr tarixində Sumqayıt24 xəbər verir.
Zəfər Günü münasibətilə təşkil olunan aksiya çərçivəsində Vətən müharibəsində şəhid olan və Sumqayıt şəhər Şəhidlər xiyabanında uyuyan 114 şəhidimizin xatirəsini əbədiləşdirmək üçün hər qəhramanımızın adına bir fidan əkilib. Burada tədris ocağının müəllim, şagird və valideynləri iştirak ediblər.
Ağacın budağına şəhidimizin adı, soyadı doğum tarixi qeyd olunmuş kiçik trafaretlər bağlanılıb. Trafaretlərdə şəhidlərimizin şəhadətə qovuşma tarixi ilə sonsuzluq işarəsi qeyd olunub.
[modula id="45255"]
