Yenilənib: saat 18:27
Sumqayit ŞPİ-nin İstintaq Şöbəsində Ülviyyə Abdullayeva barəsində “qəsdən sağlamlığa yüngül zərər vurma” maddəsi ilə cinayət işi başlanılıb.
Hazırda istintaq hərəkətləri davam etdirilir.
—————————————————————————————————————————–
Sumqayıtda azyaşlı işgəncəyə məruz qalıb. Bu haqda 11 avqust tarixində Sumqayıt24 Daxili İşlər Nazirliyinin (DİN) mətbuat xidmətinə istinadən xəbər verir.
Şəhər ərazisində yaşayan Ülviyyə Abdullayevanın himayəsində olan 2 yaşlı uşağı baxımsız şəraitdə saxlaması barədə polis idarəsinə məlumat daxil olub.
Məlumat əsasında polis əməkdaşları həmin ünvanda Ü.Abdullayevanın himayəsində olan 3 azyaşlıdan biri - 2 yaşlı uşağın bədənində müxtəlif xəsarətlər aşkar ediblər.
İlkin müayinə zamanı azyaşlının fiziki və psixoloji cəhətdən öz yaşıdlarından geri qaldığı və sağ qulağında xəsarətlər olduğu müəyyən olunub. Azyaşlı müvəqqəti olaraq sığınacağa yerləşdirilib.
Hazırda faktla bağlı Sumqayıt ŞPİ-nin Təhqiqat Şöbəsində araşdırma aparılır. Müvafiq ekspertizalar təyin edilib.
