Sumqayıtda 3 qəzalı yataqxananın köçürülməsi prosesi həyata keçirilir. Bu haqda 5 oktyabr tarixində Sumqayıt24 AzTV-yə istinadən məlumat verir.
Söhbət şəhərin 29-cu məhəlləsində, Kimyaçılar yaşayış massisvində və 2-ci mikrorayonda yerləşən 1, 3 və 13 saylı binalardan gedir. Yataqxanalar ötən əsrin 60-70-ci illərində tikilib. Tikililərin qəzalı vəziyyətdə olmasını FHN-in xüsusi komissiyası da təsdiqləyib.
Artıq həmin yataqxanalar mərhələli şəkildə sökülüb, yerində müasir tələblərə cavab verən yeni binaların tikintisi nəzərdə tutulub.
Qeyd edək ki, şəhərdə yerləşən yataqxanaların 10 minə yaxın sakini var. İlk mərhələdə 272 ailənin mənzil şəraiti yaxşılaşdırılacaq.
