Sumqayıt Dövlət Universitetində (SDU) keçmiş məzunlarla görüş keçirilib. Sumqayıt24 bu haqda 31 iyul tarixində xəbər verir.
Sosial məsələlər və ictimaiyyətlə əlaqələr üzrə prorektor, dosent Elmar Xəlilov 1982-ci ildə məzun olan tələbələri qarşılayıb. O, son illərdə universitetdə görülən işlərdən, onun hərtərəfli inkişafından danışıb. Sonra bildirilib ki, indi SDU yalnız elm və təhsil müəssisəsi kimi deyil, həm də mədəni mərkəz kimi fəaliyyət göstərir.
Karyera və məzunlarla iş mərkəzinin müdiri dosent Əmirxan İsayev çıxışında SDU-nun hər zaman öz məzunlarına diqqətlə yanaşdığını qeyd edib.
Sonda keçmiş məzunlar öz fəaliyyətləri barədə geniş məlumat verib, tələbəlik illəri ilə bağlı öz xoş xatirələrini bölüşüblər.
