Yenilənib: saat 10:45
Dəm qazından zəhərlənən ailə üzvləri evə buraxılıblar.
Bu, Tibbi Ərazi Bölmələrini İdarəetmə Birliyindən (TƏBİB) Sumqayit24.az-ın sorğusuna cavab olaraq verilən məlumatda qeyd edilib.
Bildirilib ki, 18.12.2024-cü il tarixində saat 05:00 radələrində 5 nəfər (2 kişi, 3 qadın) naməlum qazların toksiki təsiri diaqnozu ilə Sumqayıt Tibb Mərkəzinin müxtəlif müəssisələrinə hospitalizasiya olunub.
Təcili Tibbi Yardım Xəstəxanası və Uşaq Xəstəxanasına hospitalizasiya olunan şəxslərin hər birinə zəruri tibbi yardım göstərilib və ambulator müalicə üçün evə buraxılıblar”.
Nəzrin Vahid
***
“Yaşıldərə” yaşayış massivində bir ailənin 5 üzvü dəm qazından zəhərlənib.
Apa.az-ın məlumatına görə, 39 yaşlı Qabil Orucov, onun həyat yoldaşı 29 yaşlı Gülbuta Orucova, övladları - 5 yaşlı Niftalı Orucov, 16 yaşlı Aysun Orucova və 8 yaşlı Samirə Orucova zəhərlənmə əlamətləri ilə dərhal Sumqayit Təcili Tibbi Yardim Xəstəxanasına aparılıb.
Faktla bağlı araşdırma aparılır.
