503 nömrəli marşrut avtobusları Saray körpüsü tikildikdən sonra işləmir.
Sumqayit24.az-a müraciət edən vətəndaşlar bildiriblər ki, Saray qəsəbəsindən keçərək Sumqayıtdan paytaxta getmək istəyən şəxslər əziyyət çəkirlər. Onlar mənzilbaşına çatmaq üçün 3 avtobus dəyişməli olur, yollarda qalırlar.
Redaksiyamızın əməkdaşı məsələni aydınlaşdırmaq üçün Azərbaycan Yerüstü Nəqliyyat Agentliyi (AYNA) ilə əlaqə saxlayıb. Qurumdan bildirilib ki, 503 nömrəli marşrutun fəaliyyəti daşıyıcı tərəfindən təmin edilmədiyi üçün fasilə yaranıb:
“Daşıyıcıya marşrutun nizamlı fəaliyyətini təmin edilməsi barədə xəbərdarlıq edilib. Yaxın zamanda 503 nömrəli marşrutun fasiləsiz fəaliyyət göstərməsi nəzərdə tutulub”.
