Sumqayıtda “Diqqət, uşaqlar!” devizi ilə hərəkətin təhlükəsizliyi aylığı davam edir. Bu haqda 10 oktyabr tarixində Sumqayıt24 Dövlət Yol Polisi İdarəsinə istinadən məlumat verir.
Növbəti maarifləndirici tədbir 31 nömrəli tam orta məktəbdə baş tutub. Valideynlər, təhsil işçiləri və media nümayəndələrinin iştirakı ilə keçirilən görüşdə şagirdlərin yol hərəkəti qaydaları ilə bağlı bilik və bacarıqları yoxlanılıb, eləcə də mövzuya dair hazırladıqları viktorina və səhnəciklər izlənilib.
