S. Vurğun adına Mərkəzi kitabxanada "Yad et məni" adlı tədbir baş tutub. Sumqayıt24 bu haqda 22 dekabr tarixində xəbər verir.
Görüş Sumqayıtın ədəbi mühitində öz yeri və çəkisi olan yazıçı-publisist, jurnalist Feyzi Mustafayevin anadan olmasının 85 illiyi münasibətilə AYB Sumqayıt bölməsi, MİHİ Sumqayıt komitəsi və Sumqayıt Mərkəzləşdirilmiş Kitabxanalar Sistemi tərəfindən təşkil olunub.
Öncə kitabxananın oxucusu Əli Hüseynov Fikrət Qocanın "Şəhid anası" şeirini səsləndirib, şəhidlərin xatirəsi yad edilib. MKS-nin direktor əvəzi Natəvan Axundzadə, AYB Məsləhət Məclisinin sədri, şair Əşrəf Veysəlli və yazıçı-ssenarist, kulturoloq Hafiz Ataxanlı yubilyarın keçdiyi şərəfli ömür yolundan danışıblar.
Sonda çıxış edən ziyalılar Feyzi Mustafayevin yaradıcılıq məziyyətləri və insani keyfiyyətlərindən söz açıblar.
