Sumqayıt şəhər 12 nömrəli məktəbində “Gigiyena və şəxsi təmizlik” mövzusunda görüş keçirilib. Sumqayıt24 bu haqda 5 oktyabr tarixində xəbər verir.
Tədbirdə Türk Kızılayın Azərbaycandakı nümayəndəsi Hüseyn Çitak, Azərbaycan Qızıl Aypara Cəmiyyətinin Gənclər və Könüllülər şöbəsinin müdiri – icraçı katibin müavini Xalidə İsgəndərova və Cəmiyyətin Sumqayıt şəhər bölməsinin sədri Mətanət Məhərrəmova iştirak ediblər.
İlk növbədə Mətanət Məhərrəmova iştirakçılara seminar barədə danışıb. Sonra söz Fövqəladə Mobil Könüllü Dəstənin üzvləri Nərgiz İsrafilova və Yusif Allahverdiyevə verilib. Onlar şagirdlərə şəxsi gigiyena, dəri və ağız, düzgün əl yuma qaydası haqqında məlumat verərək, əyani nümayiş etdiriblər.
Sonda şagirdlərin sualları cavablandırılıb.
