"Bakı Karton və Qutu Fabriki" MMC 2023-cü ildə İqtisadiyyat Nazirliyi yanında İqtisadı Zonaların İnkişafı Agentliyi tərəfindən rezident statusu alıb.
Sumqayit24.az xəbər verir ki, bunu "Bakı Karton və Qutu Fabriki" MMC-nin rəhbəri Kamran Salmanlı bu gün müəssisəyə təşkil olunan media-turda deyib.
O bildirib ki, müəssisə 2.7 hektar sahəni əhatə edir. "Bakı Karton və Qutu Fabriki" MMC tərəfindən Sumqayıt Sənaye Parkının 3 hektara yaxın ərazisində karton və qutu taralarının istehsalı müəssisəsi qurulub. Türkiyə və Çin texnologiyalarından istifadə edilən müəssisədə il ərzində 55 milyon kvadratmetr karton və qutu tarası istehsal olunacaq.
Məhsullar daxili bazarın tələbatını ödəməklə yanaşı, ixrac da ediləcək. Müəssisənin investisiya dəyəri 20 milyon manatdır. Burada 64 daimi iş yeri yaradılıb. Sənaye parkının rezidentlərinə verilən bütün güzəştlərdən yararlanan müəssisə təqribən 1,3 milyon manat dəyərində vergi və gömrük azadolmasından faydalanıb.
Bildirilib ki, ABŞ-nin daha iki şirkəti ilə danışıqlara başlanıb nəticələr əldə olunub növbəti yaxın həftələr ərzində müqavilə imzalanacaq. Satış təmsilçiliyi ABŞ-dəkı şirkətlərə veriləcək.
Qeyd edək ki, Prezident İlham Əliyev yanvarın 27-də Sumqayıtda "Bakı Karton və Qutu Fabriki" MMC-nin karton və qutu taralarının istehsalı müəssisəsinin açılışında iştirak edib.
