Sumqayıtda istehsal olunan çörəkdə həşəratların tapılması ilə bağlı redaksiyamıza müraciətlər daxil olub. Bu haqda 15 sentyabr tarixində Sumqayıt24 xəbər verir.
İddialara görə, bir necə istehlakçı “Sumqayıt-Çörək” zavodunda istehsal olunan çörəklərin içində ölü böcəklər və qurdlar aşkarlayıblar. Məlumata görə, bu hal bir neçə dəfə təkrarlanıb.
Məsələyə aydınlıq gətirilməsi üçün “Sumqayıt-Çörək” zavodu ilə əlaqə saxlamağa çalışdıq. Qurumun əməkdaşı bizə qısa müddət ərzində geri dönüş edəcəyini bildirsə də, məlumat almaq hələ də mümkün olmayıb.
