Sumqayıt şəhəri, 5-ci mikrorayonda fəaliyyət göstərən “Dostluq” kafesində yoxlama aparılıb.
Sumqayit24.az xəbər verir ki, bu barədə Azərbaycan Qida Təhlükəsizliyi Agentliyi (AQTA) məlumat yayıb.
Bildirilib ki, baxış zamanı müəssisədə sanitar-gigiyenik və sanitar-texniki vəziyyətin qənaətbəxş olmadığı, məhsulların saxlanması zamanı temperatur rejiminə əməl edilmədiyi, işçi heyətin tibbi müayinədən keçmədiyi və digər nöqsanlar müəyyən olunub.
"Həmçinin soyuducuda etiketlənməsi aparılmayan qida məhsulları aşkarlanıb.
Faktla bağlı müəssisənin fəaliyyətinə nöqsanlar aradan qaldırılanadək müvəqqəti məhdudiyyət qoyulub, rəhbəri barəsində inzibati qərar qəbul edilərək cərimə tətbiq edilib və qanunvericiliyə uyğun zəruri tədbirlər görülüb", - deyə məlumatda qeyd edilib.
Sözügedən obyekt Səxavət İmran oğlu Rəhimova məxsusdur.
