Sumqayıt şəhərində Səhiyyə Nazirliyinin tibbi nəzarət şöbəsi tərəfindən yoxlama aparılıb.
İqtisadiyyat.az-ın məlumatına görə, "AQS Dental Center" Məhdud Məsuliyyətli Cəmiyyətə (MMC) məxsus klinikada keçirilən planlı yoxlama zamanı sertifikatsız stomatoloji iş və fəaliyyətlə, özəl praktiki-tibbi fəaliyyətlə məşğul olma faktı aşkarlanıb.
Nəticədə İnzibati Xətalar Məcəlləsinin 215.4-cü (ali və ya orta ixtisas tibb təhsili olmayan, habelə qanunda nəzərdə tutulmuş sertifikasiya şəhadətnaməsi olmayan və ya qüvvədə olmayan şəxslərin praktik tibb və əczaçılıq fəaliyyətinə buraxılmasına görə) maddəsində nəzərdə tutulmuş inzibati xəta törədildiyi məlum olub.
Sumqayıt Şəhər Məhkəməsinin qərarı ilə klinika 6 min manat məbləğində cərimə edilib. Qeyd edək ki, "AQS Dental Center"in baş direktoru Cavid Abışovdur.
