Sumqayıtda yaşıllıqların qanunsuz kəsilməsi faktı aşkar olunub.
Sumqayit24.az xəbər verir ki, bu barədə Dövlət Ekoloji Təhlükəsizlik Xidməti məlumat yayıb.
Nəzarət tədbirləri zamanı şəhərin 10-cu mikrorayon, Babək küçəsi 52 ünvanında yerləşən “Hünər Sumqayıt-10” MTK-ya məxsus ərazidə ağacların kəsilməsi faktı ilə bağlı təbiətə ziyan dəydiyi müəyyən edilib.
Fakt üzrə yaşıllıqlara dəymiş ziyanın məbləği cinayət tərkibi yaratdığından, məsələyə hüquqi qiymət verilməsi üçün toplanmış materiallar hüquq-mühafizə orqanlarına göndərilməsi üçün hazırlanır.
