"Qərbi Azərbaycan İcması" rəhbərliyinin icmanın Sumqayıt şəhər nümayəndəliyi ilə görüşü keçirilib. Bu barədə 18 iyul tarixində Sumqayıt24 Dünya TV-yə istinadən məlumat verir.
Tədbir iştirakçıları öncə ümummilli lider Heydər Əliyevin heykəli önünə gül dəstələri qoyublar və xatirəsini ehtiramla yad ediblər. Daha sonra iştirakçılar Heydər Əliyev mərkəzi ilə tanış olublar.
Toplantı YAP şəhər təşkilatının inzibati binasında davam edib. Burada sözügedən icmanın rəhbərliyi, millət vəkilləri, şəhər İH-nin, hüquq-mühafizə orqanlarının rəhbər şəxsləri və Sumqayıtda məskunlaşan qərbi azərbaycanlılar iştirak ediblər. Çıxış edənlər icmanın strukturu, məqsədləri, eləcə də uğurlu fəaliyyəti barədə danışıblar.
