Sumqayıtda qazın verilişində fasilə yaranacaq. Sumqayıt24 bu haqda 28 avqust tarixində xəbər verir.
Sumqayıt QTM-dən qidalanan d530mm-lik “Şəhər-4” orta təzyiqli qaz kəmərinin, Sumqayıt şəhəri 16-cı mikrorayonda yerləşən d159mm-lik hissəsinin podratçı təşkilat tərəfindən yeri dəyişdirilir. Bununla əlaqədar 29 avqust saat 10:00-dan “Şəhər-4” ortatəzyiqli qaz xəttindən qaz təchizatı dayandırılacaq.
Fasilə 13, 16, 17, 20, 21-ci mikrorayonlar, 51, 52-ci məhəllələr, Novruz, Təzə və köhnə Corat qəsəbəsi, Corat, Novxanı, Saray bağlar massivlərini əhatə edəcək. Qazın verilişi işlər yekunlaşan kimi bərpa olunacaq.
Sumqayıt Qaz İstismar Sahəsi abonentlərdən qaz təchizatı avadanlıqlarını nəzarətdə saxlamağı və təhlükəsizlik tədbirlərinə riayət etməyi xahiş edir.
