Sumqayıt Tibb Mərkəzində (STM) şəhər səhiyyəsinin 75 illiyi münasibəti ilə tədbir keçirilib.
Sumqayit24.az xəbər verir ki, toplantıda direktor müavinləri, struktur bölmə rəhbərləri və tabeli tibb müəsisələrinin baş həkimləri iştirak ediblər.
Tədbirdə çıxış edən STM-nin direktoru Elnur Azadxanov bildirib ki, son 20 il ərzində Sumqayıtda çox böyük layihələr reallaşdırılıb, şəhərin inkişafı ilə bağlı önəmli işlər görülüb.
İctimaiyyətlə əlaqələr bölməsinin müdiri Ramil Zeynallı isə çıxışında Sumqayıtın səhiyyəsinin inkişaf tarixindən danışıb.
Tədbir Sumqayıtın 75 illiyinə həsr edilmiş videoçarxın nümayişi ilə başa çatıb.
