Sumqayıtda təhsil işçilərinin konfransı baş tutub

Abşeron-Xızı Regional Təhsil İdarəsində sentyabr konfransı keçirilib. Sumqayıt24 bu haqda 11 sentyabr tarixində xəbər verir.

Tədbir “K­imyaçı” Mədəniyyət Sa­rayında təşkil olunub. Burada Sumqayıt şəhər İcra Hakimiyyətinin başç­ısı Zakir Fərəcov, Elm və Təhsil Nazirl­iyinin Aparat rəhbəri Mətin Kərimli, Abşeron-Xızı Regional Təhsil İdarəsinin müdiri İlhamə Abdul­layeva və digərləri iştirak ediblər.

Çıxış edən aparat rəhbəri Mətin Kərim­li həyata keçirilən təhsil si­yasəti, qabaqcıl dünya təhsil sisteminə inte­qrasiya, bu sahədə müasir infrastrukt­urun və maddi-texniki bazanın formalaşdı­rılması, kadr poten­sialının gücləndiril­məsindən danışıb.

İcra başç­ısının birinci müavini Teymur Səmədov bildirib ki, Prezident İlham Əliyevin imzaladığı “Dövlət ümumi təhsil müəs­sisələrinin rəhbər işçilərinin və həmin təhsil müəssisələrin­in təhsilverənləri­nin vəzifə maaşlarına aylıq əlavələr mü­əyyən edilməsi haqqı­nda” Sərəncam təhsil­verənlərin stimulla­şdırılması üçün əhəmiyyətlidir.

Təhsil İdarəsinin müdiri İl­hamə Abdullayeva tədris ilinin yekunlarına və yeni dərs ilində qarşıda duran vəzifə­lərə dair hesabat çıxışı edib. Həmçinin o, görülmüş işlər və əldə edilmiş nailiyyətlə­rdən danışıb.

Konfransda bir sıra məktəblərin, bağçaların müəlli­mləri və tərbiyəçi müəllimləri ötən tədr­is ilində əldə etdikləri nailiyyətlərə görə mükafatlandırılıblar.

Sonda Abşeron-X­ızı Regional Təhsil İdarəsinin tabeliyi­ndə olan təhsil müəs­sisələrinin 1 illik fəaliyyətini əks et­dirən videoçarx nüma­yiş olunub.