Sumqayıtda yataqxana binasında yanğın olub.
Sumqayit24.az xəbər verir ki, hadisə 14-cü məhəllədə 7 saylı yataqxanada qeydə alınıb. Fövqəladə Hallar Nazirliyinin (FHN) Dövlət Yanğından Mühafizə Xidmətinin və Sumqayıt Regional Mərkəzinin qüvvələri əraziyə cəlb olunub.
Həyata keçirilən zəruri və təxirəsalınmaz tədbirlər sayəsində dördmərtəbəli yataqxana binasının dördüncü mərtəbəsinin dəhlizində baş verən yanğın genişlənməsinə, o cümlədən otaqlara keçməsinə imkan verilmədən qısa müddətdə söndürülüb. Təhlükəsizlik tədbirləri çərçivəsində 14 nəfər təxliyə edilib.
Hadisə nəticəsində binanın 4-cü mərtəbəsinin dəhlizində 30 p.m. elektrik kabeli, 10 kv.m. sahədə dolab və əşyalar, 1 ədəd pəncərə çərçivəsi və 1 otağın qapısı qismən yanıb.
Yataqxana binası və otaqlar yanğından mühafizə olunub.
