Sumqayıtda yaşıllıqların götürülməsi, bərpa dəyəri, mühafizəsi və yeni yaşıllıq sahələrinin salınmasına dair maarifləndirici tədbir keçirilib. Sumqayıt24 bu barədə 6 noyabr tarixində xəbər verir.
Dövlət Ekoloji Ekspertiza Agentliyinin təşkil etdiyi görüşə İcra Hakimiyyəti, Bələdiyyə, Yaşıllaşdırma İdarəsi, ekoloqlar, QHT və KİV nümayəndələri qatılıblar. Onlar ətraf mühitin mühafizəsi sahəsində qanunvericilik aktlarının şərhi, fiziki və hüquqi şəxslərin ekoloji öhdəliklərini müzakirə ediblər.
Çıxışçılar sakinlərin narahatlığına səbəb olan qurumuş, binalara bitişik, yaxud çox yaxın yaşıllıqların, xüsusən bioloji inkişaf dövrünü başa vurmuş qovaq ağaclarının təhlükə yaratmasından, həmçinin bu problemlərdən çıxış yollarından danışıblar.
