Ə.Kərim adına Sumqayıt şəhər Poeziya Evində yazarlarla görüş keçirilib. Bu haqda 12 oktyabr tarixində Sumqayıt24 məlumat verir.
Görüş Abşeron-Xızı Regional Mədəniyyət İdarəsinin və Azərbaycan Yazıçılar Birliyinin Sumqayıt Bölməsinin birgə təşkilatçılığı ilə baş tutub.
Yığıncaqda Regional Mədəniyyət İdarəsinin rəisi Fərid Qurbanzadə, AYB-nin Sumqayıt Bölməsinin sədri Gülnarə Cəmaləddin, Poeziya Evinin direktoru İbrahim İlyaslı, qələm adamlarından Ofelya Babayeva, Əvəz Mahmud, Rafiq Yusifoğlu, Məryəm Aslanqızı, Süleyman Hüseynov, Zakir Zahir, Zirəddin Qafarlı, Rəfiqə Şəms, Xatirə Fərəcli, Hümbət Quliyev, Almaz Ərgünəş Bəyazid, Natiq Qubadoğlu, Nazir Rüstəm, Xan Rəsuloğlu, Elşad Xaqan Davudoğlu, Ümid Abbas Nihani, Gülnar Ümid iştirak ediblər.
Öncə iştirakçılar şəhidlərimizin əziz xatirəsini yad ediblər. Daha sonra fikir mübadiləsi aparılıb, şeirlər dinlənilib və qarşıda duran vəzifələr müəyyən edilib.
