Bir sıra beynəlxalq musiqi yarışmalarının qalibi olan 12 yaşlı Zəhra Kərimova haqda 3 avqust tarixində Sumqayıt24 xəbər verir.
Sumqayıt şəhər 21 nömrəli məktəbin şagirdi Zəhra Kərimovanın uşaq vaxtlarından musiqiyə böyük həvəsi olub. Bu həvəs onu Qara Qarayev adına 1 nömrəli Uşaq Musiqi məktəbinə gətirib. O, 8 yaşından tədris ocağının fortepiano şöbəsinə qəbul olunub. Hal hazırda həmin məktəbin fortepiano söbəsinin 4-cü sinif şagirdidir. İxtisas müəllimi Təranə Eminlidir.
Zəhra 3 il ərzində bir çox ölkədaxili və ölkəxarici konkurs və festivallarda yüksək nailiyyətlər əldə edib. "Poveste de Iarna Winter story" Romanıa", "USA virtual competition 2022", "USA virtual competition 2023", “Spring star 2023 Ukraine” yarışlarında, “Ümid 2023” Beynəlxalq İncəsənət Müsabiqəsi və “Payız əfsanələri” musiqi yarışmasında 1-ci yerə layiq görülüb.
