Sumqayıt şəhər 71 saylı uşaq bağçasının müdiri Heyran Mehdiyeva “Azərbaycan Avropa və Asiyanın kəsişməsində” adlı beynəlxalq elmi konfransında istirak edib. Sumqayıt24 bu haqda 10 oktyabr tarixində Redaktor.az-a istinadən xəbər verir.
Tədbir Bolqarıstanın Müqəddəs Kliment Oxridski adına Sofiya Universitetində Azərbaycan Dili və Mədəniyyəti Mərkəzinin 10 illiyi münasibətilə keçirilib. Azərbaycanın Bolqarıstandakı fövqəladə və səlahiyyətli səfiri Hüseyn Hüseynov ölkəmizdən gələn alimləri salamlayıb və onlara uğurlar arzulayıb.
Sonra Heyran Mehdiyeva “Differences between American and British English” (Amerika və Britaniya ingilis dili arasındakı fərqlər) mövzusunda məruzə ilə çıxış edib.
Konfransda Azərbaycan dili və mədəniyyəti mərkəzinin direktoru Sofiya Şiqayeva, Türkologiya kafedrasının müdiri, professor İrina Saraivanova, həmin kafedranın dosenti Milena İyordanova və başqaları Azərbaycan dilinin zənginliyindən, bolqar dili ilə müqayisəli təhlilindən danışıblar.
Burada, həmçinin Azərbaycan Respublikasının Dövlət Dil Komissiyası yanında Monitorinq Mərkəzinin rəhbəri, professor Sevinc Əliyevaya da söz verilib.
