Sumqayıt şəhərinin 21-ci məhəlləsində aparılan söküntü işləri intensiv mərhələyə keçib. Hazırda əraziyə iri texnika cəlb olunub və köhnə tikililərin mərhələli şəkildə sökülməsi davam etdirilir.
Qeyd edək ki, analoji söküntü işlərinin 4-cü, 15-ci, 16-cı və 17-ci məhəllələrdə də aparılması nəzərdə tutulur. Bu proses çərçivəsində ümumilikdə 1000-dən artıq ailənin köçürüləcəyi gözlənilir. Söküləcək tikililər sırasında "fin evləri" kimi tanınan binalar da yer alır.
Söküntü işlərindən sonra ərazidə genişmiqyaslı yeni urbanizasiya layihəsinin icrası planlaşdırılır. Bildirilir ki, Çin investorlarının iştirakı ilə həyata keçiriləcək proqram çərçivəsində köhnə "fin evləri"nin yerində müasir yaşayış şəhərciyi salınacaq. Layihə çoxmərtəbəli yaşayış binalarının, ticarət və xidmət obyektlərinin, istirahət zonalarının, eləcə də məktəb və uşaq bağçalarının inşasını da nəzərdə tutur.
