Sumqayıtda “Şuşa - Türk dünyasının mədəniyyət paytaxtı - 2023” adlı tədbir keçirilib. Bu haqda 20 iyul tarixində Sumqayıt24 xəbər verir.
Sumqayıtın Tarixi Muzeyində baş tutan tədbirdə Paralimpiya idman kompleksinin idmançıları iştirak ediblər. Öncə iştirakçılar şəhidlərimizin əziz xatirəsini bir dəqiqəlik sükutla yad ediblər.
Tarix Muzeyinin direktoru Aygün Zülfüqarlı çıxış edərək tarixi qələbədən söz açıb. O qeyd edib ki, Azərbaycanın hərbi sahədə qazandığı qələbələr, xüsusilə Qarabağın tacı olan Şuşa şəhərinin düşmən işğalından azad edilməsi müharibənin taleyində həlledici rol oynayıb.
Daha sonra mövzuya həsr olunmuş videoçarx nümayiş olunub. Yığıncaq tədbir iştirakçılarının muzeyin ekspozisiyası haqqında ətraflı ekskursiyası ilə yekunlaşıb.
