Sumqayıt Dövlət Dram Teatrı Qusara qastrol səfəri edib. Bu haqda 16 dekabr tarixində Sumqayıt24 xəbər verir.
Türkiyə komedioqrafı Əziz Nesinin "Öldür məni, canciyər" əsəri Qusar Dövlət Ləzgi Dram Teatrının səhnəsində oynanılıb.
Tamaşanın quruluşçu rejissoru Xalq artisti Firudin Məhərrəmov, quruluşçu rəssamı Nabat Səmədova, musiqi tərtibatçısı isə Anar Süleymanovdur.
Yaradıcı heyət Qusarda həmkarları tərəfindən bayram ab-havası ilə qarşılanıb. Kollektivlər tamaşadan əvvəl fikir mübadiləsi aparıb, gələcək əməkdaşlıq perspektivlərini müzakirə edib. Tamaşa anşlaqla keçib.
