Sumqayıtda “Yurd uğrunda şücaətlə ölənlər” adlı tədbir keçirilib. Bu barədə Regional Mədəniyyət İdarəsinə istinadən məlumat veririk.
Mərkəzi Uşaq Kitabxanasında təşkil olunan tədbir 2-ci Qarabağ müharibəsinin avqust ayında anadan olan sumqayıtlı şəhidlərindən Vüsal Allahverdiyev, Nurlan Nuruzadə və Samir Nadirovun əziz xatirəsinə həsr edilib. Yığıncaqda N.Tusi adına 12 nömrəli tam orta məktəbin 6e sinif şagirdləri, valideynləri və fəal oxucuları iştirak ediblər. Tədbirdə çıxış edən kitabxana əməkdaşı Səbinə Qasımova Zəfər tariximizdən, şəhidlərin hər birinin şərəfli ömür və döyüş yolundan danışıb.
Sonra iştirakçılar Şəhidlər Xiyabanında şəhidlərin məzarlarını ziyarət edib, məzarları üzərinə tər qərənfillər düzərək onların əziz xatirələrini yad ediblər.
