Bakı-Sumqayıt sürətli sərnişin qatarları üçün optimal hərəkət cədvəli hazırlanır. Sumqayıt24 bu haqda 29 avqust tarixində Oxu.az-a istinadən xəbər verir.
“Azərbaycan Dəmir Yolları” QSC-nin (ADY) İctimaiyyətlə Əlaqələr şöbəsinin rəhbəri Sənubər Nəzərova bildirib ki, hazırda hər iki istiqamət üzrə günorta reysləri dayandırılıb:
“Bakı-Pirşağı istiqamətində günorta reysləri dayandırılıb. Söhbət Bakı stansiyasından 13:30-da, Pirşağı stansiyasından isə 14:30-da çıxan qatarların fəaliyyətindən gedir. İnfrastrukturda aparılan işlərə görə texniki fasilə götürülüb. Artıq qarşıdan gələn yeni tədris ili ilə bağlı optimal hərəkət cədvəli hazırlanır. Yaxın günlərdə bu barədə ictimaiyyətə ətraflı məlumat veriləcək”.
