Bakı-Sumqayıt yolunda məhdudiyyətlər olacaq. Sumqayıt24 bu haqda 22 avqust tarixində Azərbaycan Avtomobil Yolları Dövlət Agentliyinə (AAYDA) istinadən xəbər verir.
M1 Bakı-Quba-Rusiya Federasiyası ilə dövlət sərhədi avtomobil yolunun 28-ci km-lik hissəsində yerüstü piyada keçidi tikilir. Bu səbəbdən 26 avqust saat 01:00-dan 07:00-dək hər iki istiqamətdə avtomobillərin hərəkəti məhdudlaşdırılacaq.
Sürücülərdən qeyd olunan saatlarda sözügedən hissədə diqqətli olmaları, qaydalara və ərazidə quraşdırılmış müvəqqəti yol nişanlarının tələblərinə riayət etmələri xahiş olunur.
