Bu gün Vətən müharibəsi şəhidi Telman Abışovun mövlud günüdür.
Telman Nadir oğlu Abışov 1995-ci il oktyabrın 3-də Sumqayıt şəhərində anadan olub. Əsgər Abışov Vətən müharibəsi dövründə Füzulinin və Şuşanın azadlığı uğrunda gedən döyüşlərdə savaşıb. O, noyabrın 8-də Şuşada şəhid olub. Sumqayıt şəhəri Şəhidlər xiyabanında torpağa tapşırılıb.
Döyüş əməliyyatlarında şəxsi igidlik və şücaət nümayiş etdirdiyinə görə Telman ölümündən sonra “Vətən uğrunda”, “Füzulinin azad olunmasına görə” və “İgidliyə görə” medalları ilə təltif edilib.
