Sumqayıtda “Cığır” romanının təqdimatı olub. Sumqayıt24 bu haqda 16 sentyabr tarixində Abşeron-Xızı Regional Mədəniyyət İdarəsinə istinadən xəbər verir.
Tanınmış yazıçı-publisist Yunus Oğuzun kitabının təkrar nəşrinin təqdimatı və şəhid general-mayor Polad Həşimovun ailə üzvləri ilə görüş Poeziya Evində keçirilib.
Tədbirdə Milli Qəhrəman Polad Həşimovun anası Səmayə Həşimova, ailə üzvləri və bir çox ziyalı, yaradıcı şəxslər, şəhərimizin mədəniyyət işçiləri iştirak ediblər.
Poeziya Klubunun direktoru, AYB Poeziya seksiyasının rəhbəri, İbrahim İlyaslı Şuşa şəhərinin inşa edilməsinin 270 illiyinə və 44 günlük Vətən müharibəsinə ithaf olunmuş tarixi romandan, Yunus Oğuzun həyat və yaradıcılığından danışıb.
Sonra Prezidentin fərdi təqaüdçüsü, şairə Ofeliya Babayeva, AMEA Nizami Gəncəvi adına Ədəbiyyat İnstitutunun aparıcı elmi işçisi, filologiya üzrə fəlsəfə doktoru dosent Elnarə Qaragözova, Sumqayıt Veteranlar Şurasının sədri Sovet Şükürov, AYB Sumqayıt bölməsinin sədri Gülnarə Cəmaləddin, AYB-nin üzvü, yazıçı Əyyub Qiyas, Polad Həşimovun bacısı Kəmalə Həşimova və başqaları "Cığır" tarixi romanı haqqında fikirlərini bölüşüblər.
Tədbirə Sumqayıtda yaşayan şair və ziyalılar: Nadir Azayoğlu, Ehtiram İlham, Hikmət Fərzəli, Əli Niyazbəyli, Elvin Əlizadə, "Qəbələ" qəzetinin məsul katibi Bibixanım İsayeva və Qaradağ rayon Ağsaqqallar Şurasının sədri Ramin Məmmədov da qatılıblar.
Sonda yazıçı-publisist Yunus Oğuz iştirakçıların suallarını cavablandırıb, onlara "Cığır" romanını və yeni nəşr olunmuş "Mən Şuşada yazıram" adlı kitabını hədiyyə edib.
