Sumqayıtda “Tarixin uca zirvəsi” adlı tədbir baş tutub. Bu haqda 13 dekabr tarixində Sumqayıt24 Den.az-a istinadən məlumat verir.
Ümummilli lider Heydər Əliyevin anadan olmasının 100 illiyinə həsr olunan toplantı Abşeron-Xızı Regional Təhsil İdarəsinin təşkilatçılığı ilə keçirilib. Burada şəhər rəhbəri Zakir Fərəcov və təhsil işçiləri iştirak ediblər.
İştirakçılar əvvəlcə şagirdlərin əl işlərindən ibarət sərgiyə baxış keçiriblər. Daha sonra Dövlət Himni səsləndirilib, ulu öndər Heydər Əliyevin və şəhidlərimizin ruhu bir dəqiqəlik sükutla yad edilib.
Tədbir iştirakçıları çıxışlarında dahi şəxsiyyətin ölkəmiz üçün göstərdiyi misilsiz xidmətlərindən bəhs ediblər. Təhsil idarəsinin müdiri İlhamə Abdullayeva il ərzində tabeliyində olan bütün təhsil müəssisələrində keçirilən tədbirlərdən ətraflı danışıb.
Daha sonra tədbir bədii hissə ilə davam etdirilib.
