Sumqayıt Dövlət Universitetində (SDU) ödənişli təhsil alan birinci kurs tələbələri ilə görüş olub. Sumqayıt24 bu haqda 10 oktyabr tarixində xəbər verir.
Görüşdə Təhsil Tələbə Krediti Fondunun idarə heyətinin sədri Araz Paşayev nümayəndə heyəti ilə birgə iştirak edib. Rektor Rüfət Əzizov iştirakçılara tədbirin əhəmiyyətindən, fondun rolundan danışıb.
Bildirilib ki, fond əhalinin aztəminatlı təbəqələrindən olan şəxslərin təhsilə əlçatanlığını təmin edir, təhsil almaqda bərabər imkanlar yaradır. Rektor çıxışının sonunda tələbələrin mövcud sistemdən daha çox yararlana bilmələri üçün bir sıra təkliflər səsləndirib.
Təhsil Tələbə Krediti Fondunun idarə heyətinin sədri Araz Paşayev rəhbərlik etdiyi təşkilatın fəaliyyəti, kreditlərin verilməsinin ilkin şərtləri, mərhələləri, kredit şərtlərinin üstünlükləri kimi məsələlərə aydınlıq gətirib.
Sonda təkliflər müzakirə olunub, çoxsaylı suallar cavablandırılıb.
